GFFTL-hala’o Input Tracking ba Sistema Bee Moos, Postu Administrativu Venilale Munisípiu Baucau
Baucau,11 Juñu 2024-GFFTL hamutuk ho Diretóra SMASA Munisípiu Baucau, Parseiru Dezenvolvimentu WaterAid, PN-BESI-TL, Autoridade lokál, GMF, FPA no komunidade Benefisiariu hala’o Input Tracking ba sistema bee moos, Nonu Docu ne'ebé fornese ba komunidade benefisiariu suku rua hanesan Suku Uma Ana Ulu, Uma Ana Iku, Postu-Administrativu Venilale.
Iha atividade Input Tracking GFFTL hamutuk ho entidade relevante sira inklui komunidade benefisiariu diretamente ba too iha bee matan hodi halo observasaun ba sistema bee refere ho objetivu hare direita kondisaun bee matan no fasilidade sira ne'ebé iha hanesan tanke kaptasaun, iha tempu hanesan ekipa halo kedas teste bee ne'ebé fornese ba komunidade benefisiariu sira konsumu. Remata husi vizita bee matan ekipa kontinua rekolla informasaun sira relasiona ho sistema bee refere bazeia ba indikadór sira sistema bee Rural nian ne'ebé utiliza iha prosesu Kartaun Pontuasaun Komunidade (KPK) hodi input ba sistema aplikasaun mWater no observa direta fasilidade Torneira Publik ne'ebé instala ona.
Antes de halo vizita ba bee matan Diretóra GFFTL introdus atividade input Tracking nian ba Lideransa komunitária, GMF no komunidade benefisiariu sira katak; iha atividade ida ne'e sei utiliza fermentu KPK ho indikadór sira ne'ebé durante ne'e uza hodi halo avaliasaun ba sistema bee iha munisipiu Manufahi no Liquiça ne'ebé atu utiliza mós hodi halo avaliasaun ba sistema bee Nonu Docu ne'ebé identifika sai hanesan area tarjetu hodi halo Input Tracking ho objetivu atu hatene fornesimentu sistema bee ba komunidade no fasilidade sira ne'ebé instala ona tuir kondisaun sira ba ema hotu asesu nomós obstákulu ka dezafiu sira ne'ebé komunidade benefisiariu no fornesedór sira enfrenta inklui halo mós teste kualidade bee ne'ebé daudauk ne'e fornese ba komunidade atu ita bele hatene bee nia kualidade.
